Home » Letërsi » Filip Shiroka » Maleve te Shkodres

Maleve te Shkodres

Gjith here n’mend u kam, malet e dashtnue,
E zemra e ime n’dhena t’hueja keq lengon;
Tridhete vjet te gjata, o male, kam kalue,
Tridhete vjet qi zemra ime po u dishron!

Po, gjith here u kujtoj! . . . N’at kohe kur prendojne
Hyjt, edhe kur dielli malet i praron!
Dhe, kur zogjt ner gema t’lisave kendojne
Kangen aq t’bukur qi n’a permallon! . . .

Po, gjith here u kujtoj! . . Me u sose kur t’jet nisun
Dita, edhe kur dielli mbas malit kalon;
Kur hana e bukur, si nuse stolisun,
Del, e me drite t’sajen Shkodren e zbardhon! . . .

Oh! gjith here u kujtoj! . . Kur nise me dale vera,
Mal e ҫuka e kodra kand-e-kand lulzon,
Kur vjen vapa e gushtit – edhe kur at hera
Vjen vjeshta e bekueme qi me peme n’a gzon! . . .

Po, gjith here u kujtoj! . . . Dimni kur afrohet,
E kur n’voter t’eme zjarmi flakuron;
Tham: n’Shkoder me bore tash mal e koder mblohet,
Fryjne me duhi ernat e uji akullon! . . .

Dhe naten kur bota n’gjume asht tue pushue,
Shkoj me fjete, por mendja atje fluturon;
Se n’ander u shof, o vendet e dashtnue,
E prej mallit zemra e ime gjak loton! . . .

www.ShkoderZemer.com

> ShkoderZemer.com Facebook <

%d blogger cliccano Mi Piace per questo: