Home » Letërsi » Ernest Koliqi » Vjeshtë

Vjeshtë

Vjeshtë

Sa shpejt sivjet âsht nisun
aradhja e dallëndyshave
qi mbrâmjet verës s’onë i a ka qindisun
me fluturime t’freskta e urim-plote.
Aradhja e dallëndyshave
qi gjat’ ksaj vere shetin t’on’ rrethote
si me kunora ajrore, shpejt ka hikun.
Vjen shiu i vjeshtës tashti tue i a fikun
stinës, qi qè e jona, farfurin.
Aradhja e dallëndyshave,
qi rrethoi shetín t’onë, e la Shqipnín.
Ti, dallëndyshë e fundme, mbete vetun,
por vjeshta ka me t’tretun
shpejt edhe ty: masnesrit male e dete
tash na dajn’, – dallëndysh’ qi vetun mbete.
Eja, nên shí të shpeshtë
për t’mbrâmen her’ t’shetisim bashk’ tue heshtë,
t’shetisim bashk’ kadalë
pa folun kurrnji fjalë.
Eja për të mbrâmen herë
nên shí të vjeshtës t’fshâjm’ permbi prendverë
qi kemi andrrue gjithmonë.
Na pritshim nji Shën Gjergj qi lule n’derë
t’varte, ku strukej fatbardhsija e jonë.
Por ato lule kurr s’kan’ me lulzue…
Eja pa thân’ nji fjalë
T’ecim nên shí kadalë,
o dallëndysh’ qi erdhe tepër vonë
e po nise, e po nise pa e ndërtue
at çerdhen t’onë
qi kemi andrrue gjithmonë.
Eja nên shí t’ksaj vjeshtë
t’shetisim bashk’ tue heshtë,
tue qa andrrën e bardhë
t’prendver’s qi s’ka me ardhë,
tue qa, pa kurrnji fjalë,
prendverën qi mjaft ndiellme, e s’ka me dalë…

Ernest Koliqi – ” Gjurmat e stinve” – Tiranë 1933.

www.ShkoderZemer.com

> ShkoderZemer.com Facebook <


Komento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: